Myrat Garryýew adyndaky Türkmenistanyň Döwlet lukmançylyk uniwersiteti 2025-nji ýyl üçin abraýly Times Higher Education Interdisciplinary Science Rankings (ISR) reýtingine «Habarçy» (Reporter) hökmünde ýörite sanawa girizildi.

Schmidt Science Fellows maksatnamasy bilen hyzmatdaşlykda döredilen ISR reýtingi dünýä derejesinde ugurlar arasyndaky ylmy barlaglaryň ähmiýetini nygtaýar. Bu dereje uniwersitete dünýä ylmy başlangyçlaryna has işjeň gatnaşmaga, tejribe alyşmaga we halkara bilim-ylmy ulgamynda ösmegi dowam etdirmäge giň mümkinçilikleri açýar.

Myrat Garryýew adyndaky Türkmenistanyň Döwlet lukmançylyk uniwersiteti Times Higher Education guramasyna bu mümkinçiligi döredendikleri üçin minnetdarlyk bildirýär hem-de mundan beýläk-de hyzmatdaşlyga taýýardygyny beýan edýär. Bu dereje ylmy işjeňligi ýokarlandyrmaga hem-de uniwersitetimiziň halkara abraýyny has-da pugtalandyrmaga uly itergi berer.