2024-nji ýylyň 22-nji noýabrynda Berkarar döwletiň täze eýýamynyň Galkynyşy döwründe, üstümizdäki ýylyň oktýabr-noýabr aýlarynda ýurdumyzyň ýokary okuw mekdeplerinde halkara olimpiadalary we ylmy-amaly maslahatlary geçirmegiň meýilnamasyna laýyklykda, Halkara Bitaraplyk güni mynasybetli Myrat Garryýew adyndaky Türkmenistanyň Döwlet lukmançylyk uniwersitetinde üç gün dowam eden biologiýa dersinden III Halkara internet olimpiadasy öz işini tamamlady.

Olimpiadanyň jemleri boýunça eminler topary tarapyndan ýeňijiler kesgitlenildi we üstünlikli çykyş edip, ýeňiji diýlip yglan edilen talyplar degişlilikde 1-nji, 2-nji we 3-nji derejeli Diplomlar bilen sylaglanyldy.

Ders bäsleşiginiň netijesinde 198 sany talyp ýeňiji diýlip yglan edildi. Olardan 34-si 1-nji orny, 64-si 2-nji orny, 100-si 3-nji orny eýelediler.

Olimpiadanyň jemleri boýunça toparlaýyn bäsleşikde 1-nji orny Russiýa Fedrasiýasynyň Astrahan Döwlet lukmançylyk uniwersitetiniň, 2-nji orny Myrat Garryýew adyndaky Türkmenistanyň Döwlet lukmançylyk uniwersitetiniň, 3-nji orny bolsa Özbegistanyň Buhara döwlet uniwersitetiniň talyplary eýelediler.