Umumybilim berýän orta mekdepleriň ýokary synp okuwçylaryň arasynda
Biologiýa dersi boýunça olimpiadasyna
HOŞ GELDIŇIZ!
Olimpiadanyň maksady:
a) Türkmenistanyň ýokary okuw mekdepleri bilen umumybilim berýän orta mekdepleriniň ýokary synp okuwçylarynyň arasynda gatnaşyklary berkitmek we özara bähbitli ylmy-okuw maglumatlary alyş-çalyş etmek;
b) ýokary okuw mekdepleriniň professor-mugallymlarynyň we orta mekdepleriň ýokary synp okuwçylarynyň bilelikde ylym-bilim ulgamynda pikir alyşmalaryny guramak;
ç) ýurdumyzyň dürli künjegindäki zehinli okuwçylary uniwersitetimize jemlemek arkaly uniwersitetimizde alnyp barylýan okuw-usuly we ylmy işler hem-de medeni çäreler bilen giňden tanyşdyrmak;
Olimpiadanyň wezipesi:
a) häzirki zaman tehnologiýalary ulanmak arkaly nazary meseleleri çözmeklige gyzyklanma döretmek;
b) zehinli we ukyply çagalary ýüze çykarmak, olaryň mundan beýläk intellektual ösüşi bilen bagly hünär saýlamaklaryna oňyn şertleri döretmek;
ç) sanly maglumat-kommunikasiýa tehnologiýalary arkaly ýokary okuw mekdepleriniň we aýry-aýry ylmy merkezleriň özara aragatnaşygyny amala aşyrmak.
Olimpiadanyň geçirilişi barada
GÖZÜKDIRIJI
- Olimpiadanyň jemleýji tapgyryna gatnaşmaga hukuk gazanan okuwçylara jogapkär bellenen mugallym 2024-nji ýylyň 15-nji sentýabryna çenli aşakdaky nusga boýunça tablisany dolduryp, tdlu.olimp@sanly.tm salgysyna ugratmaly.
-
NUSGA
- Olimpiadanyň jemleýji tapgyry 2024-nji ýylyň sentýabr aýynyň 18-ne sagat 10:00-da saýlawjy tapgyrynda ýeňiji bolan okuwçylaryň arasynda Myrat Garryýew adyndaky Türkmenistanyň Döwlet lukmançylyk uniwersitetinde geçiriler;
-
- Gatnaşyjylaryň ählisi häzirki zaman kompýuterleri bilen üpjün ediler hem-de test soraglary we ýumuşlar kompýuterde ýörite programmanyň kömegi bilen geçiriler.
-
- Guramaçylyk topary tarapyndan gatnaşyjylara ulanyjynyň ady (login) we parol olimpiada başlamazdan öň özlerine paýlanar;
-
- Ulanyjynyň ady (login hem-de paroly) bir gezek ulanmaga niýetlenendir we ony guramaçylyk topary tarapyndan rugsat berlen wagty ulgama girmek üçin ulanylyp bilner;
-
- Olimpiadanyň dowamlylygy 90 minut. Bellenilen wagt tamamlanandan soňra jogaplar kabul edilmeýär we Оlimpiada degişli programma üpjünçiligi awtomatiki ýagdaýda ýapylar.
-
- Olimpiada gatnaşyjylar ýany bilen diňe ýazuw esbaplaryny, ýagny ruçka we galam alyp bilerler.
-
- Olimpiada gatnaşyjylar kalkulýatordan peýdalanyp bilerler.
-
- Olimpiada gatnaşyjy ýumuşlary ýerine ýetirýän wagtynda diňe olimpiada degişli programma üpjünçiligi bilen işlemeli.
-
- Olimpiada geçirilýän döwri okuwçylara gürleşmek, biri-birine zat geçirmek, öýjükli telefonlardan we beýleki habar beriş serişdelerinden peýdalanmak gadagan edilýär.
-
- Olimpiada gatnaşyjy ýumuşlary ýerine ýetirýän wagtynda degişli soraglary bilen olimpiadanyň gurnaýjylaryna ýa-da kompýuter otagynyň tehniki işgärine ýüz tutup bilerler.
-
- Olimpiadanyň ýumuşlary biologiýanyň dürli ugurlary boýunça test görnüşinde berler.
Ýokarda görkezilen düzgünleri bozan okuwçylaryň gatnaşyjynyň olimpiada gatnaşyjylaryň hataryndan çykarylmagy eminler toparynyň garamagyna goýulýar.
Habarlaşmak üçin:
Telefon: +993 64 00 04 70; 48 99 32.
E-poçta: tdlu.olimp@sanly.tm
Guramaçylyk topary
