📅
31.03.2026
“AK ŞÄHER AŞGABAT – BINAGÄRLIK SUNGATYNYŇ DÜRDÄNESI, YLMY-INNOWASIÝALARYŇ MEKANY” atly sanly ulgam arkaly halkara ylmy-amaly maslahaty geçirilýär
DÜZGÜNNAMA Türkmenistanyň Prezidentiniň Karary bilen tassyklanan “Türkmenistanyň ýaşlarynyň halkara hyzmatdaşlygynyň 2023-2030-njy ýyllar üçin Strategiýasynda”, şeýle hem bilim ulgamy boýunça kabul edilen konsepsiýalarda kesgitlenen wezipeleri durmuşa geçirmek hem-de Hormatly Prezidentimiziň ylymly-bilimli, giň dünýägaraýyşly, kämil nesli kemala getirmek, zehinli talyplary ylma çekmek we ylmy derejeli işgärleri taýýarlamak boýunça öňde goýan wezipelerini ýerine ýetirmek, ylym-bilim ulgamyna innowasiýalary ornaşdyrmak maksady bilen, Türkmen döwlet binagärlik-gurluşyk instituty 2026-njy ýylyň 21-nji maýynda ýurdumyzyň we daşary ýurtlaryň ýokary okuw mekdepleriniň professor-mugallymlarynyň, aspirantlarynyň, magistrleriniň, talyplarynyň, şeýle hem ylmy edaralarynyň, kompaniýalarynyň hünärmenleriniň gatnaşmaklarynda “Garaşsyz, baky Bitarap Türkmenistan – bedew batly at-myradyň mekany” ýylynda dabaraly bellenilýän Aşgabat şäheriniň güni mynasybetli “Ak şäher Aşgabat – binagärlik sungatynyň dürdänesi, ylmy-innowasiýalaryň mekany” atly sanly ulgam arkaly halkara ylmy-amaly maslahatyny (mundan beýläk-ylmy maslahat) döwrüň talaplaryna laýyklykda guramak we geçirmek üçin şu Düzgünnama işlenip taýýarlanyldy.I. Umumy düzgünler. 1.1. Şu Düzgünnama ylmy maslahaty guramagyň we geçirmegiň tertibini kadalaşdyrýar we Türkmenistanyň Bilim ministriniň we Türkmenistanyň Ylymlar akademiýasynyň prezidentiniň bilelikdäki buýrugy bilen tassyklanan “Ýokary hünär bilimi edarasynda ylmy çäreleri geçirmegiň Tertibine” laýyklykda işlenilip düzüldi. 1.2. Ylmy maslahat ylym-bilim ulgamynda ýurdumyzyň we daşary ýurtlaryň ugurdaş ýokary okuw mekdepleriniň, ylmy edaralarynyň we kompaniýalarynyň arasynda dostlukly gatnaşyklary ösdürmäge, özara tejribe alyşmaga we halkara hyzmatdaşlygy pugtalandyrmaga ýardam berer. 1.3. Ylmy maslahatyň gurnaýjysy hökmünde Türkmen döwlet binagärlik-gurluşyk institutynyň Ylym bölümi çykyş edýär. 1.4. Ylmy maslahatyň geçirilýän möhleti we şertleri institutyň www.tdbgi.edu.tm web sahypasynyň ýörite bölüminde ýerleşdirilýär. 1.5. Ylmy maslahatyň resmi iş dilleri – türkmen, rus we iňlis.II. Ylmy maslahatyň maksady we wezipeleri. 2.1. Ýurdumyzyň we daşary ýurtlaryň ugurdaş ýokary okuw mekdepleriň professor-mugallymlarynyň, aspirantlarynyň, talyplarynyň, şeýle hem ylmy edaralaryň alymlarynyň we kompaniýalaryň hünärmenleriniň arasynda dostlukly gatnaşyklary pugtalandyrmak we özara bähbitli ylmy maglumatlary alyş-çalyş etmek hem-de tejribe alyşmak. 2.2. Binagärlik-gurluşyk ulgamynda alnyp barylýan häzirki zaman ylmy barlaglary, dünýäniň öňdebaryjy tehnologiýalaryny we innowasiýalaryny, öňdebaryjy taslamalary ylym-bilim ulgamyna we önümçilige ornaşdyrmak.III. Ylmy maslahatyň wezipeleri. 3.1. Türkmenistanyň Prezidentiniň strategik maksatnamalarynyň çäklerinde «bilim-ylym-önümçilik» kadasyndan ugur alyp, bilim ulgamynyň ylym we önümçilik bilen utgaşmagyny gazanmak. 3.2. Ýokary okuw mekdepleriň professor-mugallymlarynyň, aspirantlarynyň we talyp ýaşlarynyň arasynda ylmy pikir alyşmalaryny guramak. 3.3. Zehinli talyp ýaşlary ýüze çykarmak, ylma çekmek we ylmy derejeli işgärleri taýýarlamak. 3.4. Okatmagyň häzirkizaman usullaryny ornaşdyrmak, okatmagyň usulyýetini kämilleşdirmek, ýaşlara berilýän bilimiň hilini we derejesini ýokarlandyrmak. 3.5. Ýurdumyzda we daşary ýurtlarda ylmyň gazananlaryny giňden ornaşdyrmak. 3.6. Ýurdumyzyň senagat, gurluşyk we himiýa pudaklarynyň halkara hyzmatdaşlygyny ösdürmek we işjeňleşdirmek. 3.7. Ýurdumyzyň gurluşyk we senagat pudagynyň ylmy-barlag, önümçilik işleriniň netijeliligini ýokarlandyrmak. 3.8. Önümçilik we ylmy-barlag, gözleg işlerinde ýüze çykýan derwaýys ylmy hem-de amaly meseleleri çözmäge ukyply ýaş hünärmenleri ýetişdirmek.IV. Ylmy maslahatyň guramaçylyk-usulyýet üpjünçiligi. Ylmy maslahaty talabalaýyk geçirmek üçin institutyň abraýly we tejribeli professor-mugallymlaryndan düzülen Guramaçylyk topary döredilýär.Guramaçylyk topary: 4.1. Ylmy maslahaty ýokary derejede guramak we geçirmek boýunça guramaçylyk işleri alyp barýar. 4.2. Ylmy maslahaty guramaçylykly geçirmek boýunça teklipleri taýýarlaýar. 4.3. Institutyň mejlisler zalyny we bölümçeleriň geçiriljek ýerlerini sanly serişdeler bilen üpjün edýär. 4.4. Ylmy maslahatyň netijelerini jemleýär we hasabat görnüşinde Türkmenistanyň Bilim ministrligine iberýär.V. Ylmy maslahaty guramagyň we geçirmegiň tertibi. 5.1. Ylmy-amaly maslahat 2026-njy ýylyň 21-nji maýynda 10:00-da Türkmen döwlet binagärlik-gurluşyk institutynyň Mejlisler zalynda dabaraly açylýar we ylmy maslahatyň işi 4 sany bölümçelerde dowam edýär. 5.2. Gatnaşyjylaryň çykyşlary onlaýn tanyşdyryşlaryň üsti bilen amala aşyrylýar we olaryň many-mazmuny ylmy maslahatyň ugruna doly laýyk gelmelidir we çykyş edýäniň hünär ussatlygynyň aýratynlyklaryny açyp görkezmelidir. 5.3. Tanyşdyryşyň 1-nji slaýdynda Ministrlikleriň, pudaklaýyn dolandyryş edaralaryň we kompaniýalaryň doly atlary, çykyş edýäniň temasynyň doly ady, familiýasy, ady, atasynyň ady we wezipesi görkezilýär. 5.4. Tanyşdyryş (prezentasiýa) Power Point programmasynda taýýarlanylýar. 5.5. Çykyşyň dowamlylygy 10 minutdan, gatnaşyjylaryň soraglaryna jogap 5 minutdan köp bolmaly däldir. 5.6. Ylmy-amaly maslahatyň birinji bölümçesi “Binagärlik we gurluşyk innowasiýalary, döwrebap materiallar we ösen tehnologiýalar” ady bilen institutyň Mejlisler zalynda, ikinji bölümçesi “Binagärlik, dizaýn, şähergurluşyk we ilatly ýerleriň meýilleşdirilişi” ady bilen institutyň G binasynyň 310-nji okuw otagynda, üçünji bölümçesi “Sanly tehnologiýalaryň gurluşykda we binagärlikde ornaşdyrylmagy, gurluşygyň ykdysadyýeti” ady bilen institutyň B binasynyň 402-nji okuw otagynda hem-de dördünji bölümçesi “Gurluşykda ekologiýa, durmuş howpsuzlygy we alternatiw energiýa çeşmeleri” ady bilen institutyň A binasynyň 201-nji okuw otagynda işini dowam eder. VI. Ylmy maslahatyň işiniň jemini jemlemek. 6.1. Guramaçylyk topary 2026-njy ýylyň maý aýynyň üçünji on günlüginde ylmy maslahatyň işiniň jemlerini jemleýär we resmi web sahypasyna ýerleşdirýär. 6.2. Ylmy maslahatda tapawutly çykyş edenler we gatnaşyjylar degişlilikde sertifikatlar bilen sylaglanylýar we olaryň elektron poçtalaryna iberilýär. 6.3. Ylmy maslahatyň netijeleri Türkmenistanyň Bilim ministrliginiň we institutyň web sahypalarynda ýerleşdirilýär, şeýle hem köpçülikleýin habar beriş serişdeleriniň üsti bilen halk köpçüligine ýetirilýär.Türkmen döwlet binagärlik-gurluşyk instituty
Doly gör ›